اهلا بالجميلات
راح اتكلم عن دوره التخلص من التوتر مع الدكتوره خديجه باوزير
تجربتي في هذي الدوره هي اني ماكنت اعرف اني عندي توتر من الاساس الا بعد ماحضرت
هذه الدوره راح نتعلم كيف نروق ونسترخي
كلنا نعرف او الرياضه واليوجا والبابونج وجميع المشروبات المهدئه تروق المزاج بس مانطبقها اكيد في حياتنا اساسا فكره انو نخصص وقت للاسترخاء ساعات بتكون ملغيه من حياتنا مع اننا نحتاج يوميا لدي الشيء وهذي الخطوات اللي عملتها
~التنظيم والترتيب يخلصك من الفوضى خصوصا لمن تكوني مستعجله بتدوري على شيء معين الافضل تعلمي من حولك انو يرجعو اغراضك في مكانها اللي انتي حددتي عملت دا الشيء مع انو صعب جدا مع الاخوات بس مع الوقت بيتعودو
~اتأخرتي على الاختبار وازدحام شديد انتي على اعصابك وقتها استخدمي قاعده التفكير بالاسوء يعني احمدي ربك ماسار لك حادث وخلي عندك قناعه توترك ما راح يزيد من سرعه وصولك راح توصلي في الوقت المحدد خذي بالاسباب واستعجلي بس لا توتري ممكن تستغفري وممكن تجلسي تراجعي لا تخافي راح تدخلي استخدمي القاعده في كل امور حياتك
~جزء مهم نزلي افكارك على ورقه بمعنى كل فكره تفكري تعلميها اكتبها في الجوال في مفكره صغيره ريحي نفسك من التوتر اللي راح يجيكي انك تنسي
ممكن تحطي تنبيه لو حابه تفتكري شيء بوقت معين
~فكري بتفاؤل وحسن ظن بالله استخدمي قاعده مهمه هي احسبي النعم اللي عندك وليس مالديك من مشكلات
دايما الناس اللي يتروكوها على ربنا وبالتساهيل حياتهم تمشي واللي يعقدوها تتعقد معاهم
~استفيدي من الاشياء اللي عندك حاولي تستخدمي ذكاءك دايما دايما في حلول لا توتري نفسك راح تلاقي الحل اكيد لاتفكري في اشياء مو عندك اصلا
~اذا كانت عندك اشغال كثيره اتعلمي تخلي احد يساعدك لا تعملي كل شيء بنفسك خلي وظيفتك اشراف بس انتبهي اشرحي من البدايه اللي تبيه منهم بشكل واضح اتاكدي انهم فهمو كلامك كويس
~توترك يدمر صحتك ويسبب لك الكثير من الامراض كانت في الدوره وحده مريضه بالتوتر لدرجه انها حلقت شعرها عشان لا تنتف فيه تروح الحمام ٢٥مره في اليوم طبعا تحتاج علاج نفسي حديث اغلب الدكاتره اللي راحت لهم كانو يركزو على الادويه مع الموضوع مجرد تغيير نظرتها للحياه فقط كانت درس لي الحياه ما تستاهل نوصل لدي الدرجه
~ لاتفكري في الناس اللي تسبب لك ازعاج مو شرط ناس اي شيء يزعجك ما يستحق انك تذكريه كل ما ركزتي على شيء راح يزيد ركزي في الاشياء اللي تبسطك فقط
~ طاقه المكان هو علم فينج شوي اتخلصي من العبش الزايد الوان بيتك احرصي انو يكون في توازن لا هاديه جدا ولا ناريه جدا دا علم راح اتكلم عن في موضوع خاص بيه الاهم الان اعتمدي ع احساسك
~ القرار بعدم التسامح هو قرار بالمعاناه * سامحي الماضي اي شيء يزعجك في حياتك سامحي نفسك على اخطاءك سامحي نفسك على المستقبل على الاشياء اللي ماراح تقدري تعمليها سامحي الاشخاص اللي تسبب بالضرر ليكي عشان نفسك وتتخلصي من انك تضيعي وقتك في التفكير فيهم توتري اعصابك على الفاضي في اشخاص ممكن ما اعطوكي ثواني من وقتهم والاسوء تفكيرك فيهم يجب لك الامراض
~تمرين قبل النوم اكتبي في ورقه في الملاحظات عن الاشياء اللي وترتك على الفاضي مع الوقت راح يخف توترك صلي الوتر اقرأي القرآن والاذكار حافظي عليها ادعي ربنا كل ليله بإمنياتك واحلامك فوضي امرك لربنا فتره بسيطه وراح تلاقي كل شيء تبيه سار لك لا تنسي الآيه الكريمه
"وَلَسَوْفَ يُعْطِيكَ رَبُّكَ فَتَرْضَى" |
من يجلبون ضوء الشمس في حياة الآخرين
لايمكنهم أن يمنعوه عن أنفسهم.
وشكراً لوقتك
Stay stunning
Love you
