سلام لأحلى صبايا
و اعتذر عن التأخير في تنزيل موضوع جديد
لظروف الدراسة حبيباتي
راح اتكلم اليوم عن التنظيم احس اني اخر وحده تتكلم عن دا الشيء
كلامي راح يكون عن ملخص بسيط لكتاب فن التنظيم وبمفهومي
اللي بجد غيرني وماكان شيء نظري
اول شيء الكتاب يقول اذا احد قلك لازم تكوني منظمه لاتقرأي الكتاب وكمان لا تكملي الموضوع وعيشي حياتك طالما انتي مبسوطه كدا
الموضوع رغبه داخليه واحساس انك تحتاجي تنظمي حياتك لانو الفوضويه بتخرب عليكي اشياء كتير وتضيع عليك وقت وجهد اما
اذا كنت مهوسه بالتنظيم ممكن تستفيدي
المبدأ الاول "كن انت الصديق المقرب لنفسك"
رجعي كل شيء مكانو
اقنعني جدا وقال لازم تكوني صديقه نفسك اعتبري انو صديقتك برتب ملابسك وترجع لك كتبك واغراضك ولما ترجعي للبيت تلاقي كل شيء مرتب لانو في وحده رتبت لك اش احساسك تجاه صديقتك اكيد راح تقول الله يسعدها طب اش احساسك لمن تكون الناس حايسه وانتي اشياءك مرتبه وتطالعي لهم بنظره ترى كنت زيكم زمان والحمدالله اللي غيرني
طبقت دا الموضوع فعلا حتى لو غرفتك مو مرتبه تلاقيها بتترتب تلاقي بدون ماتجلسي ساعات ترتبي في الغرفه وترجع تخرب تاني يوم
حلو انك تكافىء نفسك لانها فعلا تستحق
المبدأالثاني "قسم كل مهمه الى مجموعه مهام صغيره "
مثلا مهمه ترتيب مكتبك قسم المهمه جمع الاوراق الخاصه بكل ماده او مشروع ترتيب الدرج الاول وهكذا لا تبدأي بدون ماتعملي خطوات لكل شيء وتحددي الوقت اللي تنتهي من كل خطوه راح تحسي بالانجاز بعد كل خطوه
المبدأ الثالث "ضع الاشياء المتشابهه معًا"
يعني العكس يكون في كل درج قلم او فلوس حتى لو كانت مرتبه لازم تكون منظمه الاقلام مع بعض اشياء المدرسه لوحدها ادوات الفنيه لوحدها
المبدأ الرابع "قم بتجميع المهام المتشابهة
_اجمعي المشاوير مره وحده اعملي الاشياء اللي على طريقك
_اجمعي مواعيد المستشفى في يوم واحد مثلا موعد دكتوره النساء ودكتور العيون
_اجمعي المكالمات في وقت واحد من اليوم مع استثناء المكالمات المهمه يعني كلمي امك مثلا واطمني ع صديقتك المريضه لانو كثيرا ننشغل عن الواجبات الاجتماعيه
وهكذا في كل شيء انتهي من اشغالك كلها طالما انتي متواجده في المنطقه نفسها
المبدأ الخامس "ابدأ بالكم الاكبر ثم اعمل على تقليصه مثلا بترتبي مجوهراتك اجمعيها من كل مكان الموجوده في شنطتك و اللي تركتيها على التسريحة كل شيء عندك ولاتبدئي اي مشروع قبل ما تجمعي كل شيء يخصو
المبدأ السادس "قومي بتصنيف الاشياء"
صنفي الاشياء المتشابه معا والاشياء اللي راح تتصدقي فيها والاشياء اللي راح تستغني عنها و الاشياء اللي ممكن تعطيها احد اوتصلحيها راح تبقى اشياء مو متأكده اش راح تعملي فيها
المبدأ السابع "كوني مجموعه خاصة بك"
بعد ما تتجمع الاشياء اللي ما نعرف اش نسوي فيها راح يسهل اعاده تصنيفها واذا برضو ماعرفتي اش تعملي فيها لازم تاخذي قرار حاسم فيها لانها راح تكون سبب في الفوضى في غرفتك او بيتك
المبدأ الثامن "كل شيء ينتمي لمكان محدد"
غالبا ننسى اهمية وجود مكان لكل شيء عشان يكون موجود دائماً فيه
طبعا لا ننسى اهمية المنظمات والسلال نحط اغراضنا فيها
اتخلصي من كل شيء مكسور وقديم ولا تقولي بعدين استخدمو
"المبدأ التاسع"
قاعدة ال ١٥دقيقه" كل يوم خصصي ١٥دقيقه في وقت محدد من يومك بعدها ممكن تكملي او تتوقفي عن الترتيب بعدها انتي انجزتي جزء من المهمه
بمعنى كل يوم راح ارتب جزء من غرفتي في ١٥ دقيقة و لما تنتهي ال ١٥ دقيقة اقدر اوقف او ممكن استمر في الترتيب المهم تكون ١٥ دقيقة ترتبي فيها كل يوم راح تكوني انجزتي كثير خلال اسبوع
المبدأ العاشر قاعده ٨٠/٢٠
هو مبدأ باريتو
٢٠%من العمل يعطي ٨٠%من النتايج ركزي فقط على المهام الأساسية ذات الاهميه الكبرى راح تلاقي نتايج افضل دائما بتطبيق هذه القاعده
في النهايه لكِ الاختيار في المبادىء اللي تناسبك اكتر
للكتاب بقيه اذا حابه تستفيدي من الكتاب موجود في جرير
اسم الكتاب : فن تنظيم كل شيء
الكاتب : روزالي ماجيو
ويارب تكونو استفدتم حقيقي الموضوع يستاهل نهتم فيه ونعتني فوقتنا وحياتنا
وشكراً لوقتك
Stay stunning
Love you
