Benefit of rose water فوائد ماء الورد للبشرة والجسم

سلام ياحلوات 

كيفكم يارب تكونوا بخير وسعادة

اليوم راح اتكلم معاكم عن موية الورد و فوائدها وكيف راح تغير بشرتك ونضارتها 

خلونا نبدأ بسم الله 

١- مسح بشرتك كل يوم بقطنة من موية الورد يجعل بشرتك نقية جداً وصحية

٢- استخدام ماء الورد بانتظام يصغر المسام ويعمل على إزالة حب الشباب من الوجة

٣- اخلطي ملعقة شاهي من موية الورد مع قارورة ماء واشربيها كل صباح هذه الخطوة تفتح لون البشرة وتصفيها وتكون افرازات جسمك رائحتها لطيفة

٤- استخدمي علبة بخاخ بداخلها ماء الورد واستخدميها في الليل بعد ماتنظفي وجهك راح يساعد بشرتك ترتاح وتهدأ وتعطيها لمعان أكثر

٥- خطوة اختيارية :: لو استخدمتي ماء الورد في طبخك وتحضير الطعام راح يعطي اكلك 

طعم مميز ويفيد جسمك وبشرتك فنفس الوقت

وهذا كان موضوعنا اليوم ويارب يكون عجبكم واستفدتم منه

من يجلبون ضوء الشمس في حياة الآخرين

لا يستطيعون أن يمنعوه عن أنفسهم

وشكراً لوقتك

Stay stunning

Love you

انواع الشنط بالانجليزي

مسااا الجمال 

حابه اتكلم عن انواع الشنط اللي موجوده في الماركات العالميه 

حابه اشرح اسماء الشنط بالانجليزي مفيده للكل وتختاري شنطك حسب احتياجك تساعدك في التسوق عن طريق النت جميع الشنط من مايكل مايكل كورس  

 شنطه التوتي Tote bag 

هي شنط كبيره مصنوعه من القماش مناسبه للتسوق والسفر للناس والجامعه والناس اللي يحتاجو ادوات كتيره 

 

شنطه الكتف shoulder bag 

هي شنطه للكتف وممكن تكون على جنب ممكن يكون ليها اكتر من حامل للشنطه عاده بتكون صغيره

 

شنطه للجنب Crossbody bag 

تلبس الشنطه من الكتف اليمين وعلى الجانب الايسر شنطه صغيره مناسبه للمراهقات والبنات الصغار وايضا في اشكال تناسب الكبار للسفر والرحلات

شنطه اليدSATCHELS 

شنطه لليد بمقبض قوي ثنائي ممكن تكون صغيره او كبيره خيار مناسب للعزايم تجي حلوه للعبايات اللي بتكون بأكمام واسعه جدا صعب تحطي الشنطه على كتفك << العبايه راح تقصر

شنطه السهرهCLUTCHES

شنطه صغيره بس طويله الكلتش خيار مناسب  للأفراح  بيكون عليها بعد الاحيان كريستال او اكسسورات

المحفظهWALLETS & WRISTLETS

في محفظه خاصه بالفلوس في الان تجمع بين الجوال والفلوس والبطاقات المهمه 

شنطه صغيره  للاشياء المهمه

 من يجلبون ضوء الشمس في حياة الآخرين

لايمكنهم أن يمنعوه عن أنفسهم.

 وشكراً لوقتك

Stay stunning

Love you  

 

 

  

 

 

  

 

 

 

تجربه كانون 650d في تصوير الحرم النبوي الشريف

السلام عليكم ياحلوات 

قبل فتره بسيطه روحت المدينه بما اني اشتريت الكاميرا قريب حبيت اجرب تصويرها انا وحده مبتدئه جدا في التصوير يعني يادوب شغلات بسيطه اعرفها

حبيت اشاركم بالصور لانها جد ما اتوقعت نفسي اطلع دي النتايج الحلوه 

استخدمت كاميرا كانون 650d 

العدسات 

عدسات كانون

 55-18mm

واغلب الصور من عدسة كانون

75-300mm

مكان تصوير

 كان من نفس ساحه الحرم النبوي الشريف او كان من فندق الانصار الذهبي من الدور ١٤بالتحديد

حابه اشوف رايكم بالصور  يلا نبدأ

الصوره الاخيره للمجمع هو بعد الحرم النبوي الشريف دا اقصى مكان وصلت ليه الكاميرا 

من يجلبون ضوء الشمس في حياة الآخرين 

لا يستطيعون أن يمنعوه عن أنفسهم

وشكراً لوقتك

Stay Stunning

Love you

افضل شامبو لشعر الدهني

صباح الجمال

  

راح اتكلم عن تجربتي اليوم لصاحبات

الشعر الدهني والناعم 

كلنا نبا شعر ناعم يحصل على لمعان وترطيب  بدون مايدهن 

وكمان تكون فروه الراس نظيفه بدون ما يجف الشعر   

اولا شامبو بالليمون والحوامض  citrus fruit shampoo 

الشامبو ينعم الشعر مناسب لشعر الدهني  

يعطي لمعان للشعر حبيتو على الاخير 

 

وينظف الدهون صنع في فرنسا لصالح كارفور  

 السعر ما افتكرو بالضبط بس مو غالي  

المكان من كارفور

الشامبو الثاني من farmasi herbal line 

للشعر الدهني بخلاصه الخزامى والقراص وفيتامين B5 رائع للشعر الدهني المتضرر 

يرطب الشعره بس مايخلي الشعره تزيت 

القراص يعمل على تنظيم الدهون في فروه الراس  

ويعطي الشعر حجم اكبر 

وطبعا B5 لإصلاح الشعر المتضرر  ويغذي ويرطب الشعر 

المكان من كارفور

صنع في تركيا  

احترت اية الافضل لاحظت في الشامبو الاول اللمعان اكتر 

والثاني الترطيب والاصلاح اكتر

لسا في بالي كم شامبو حجربها عشان يكون عندك خيارات اكبر راسلونا على التويتر لو في حابين اتكلم عن شامبو معين

 

 من يجلبون ضوء الشمس في حياة الآخرين

لايمكنهم أن يمنعوه عن أنفسهم.

 وشكراً لوقتك

Stay stunning

Love you

 

 

 

 

ايش تحتاجي في شنطة مكياجك ؟؟ whats in my makeup bag??

سلام لأحلى بنات يتابعوني و يتابعو مواضيعي اليوم من جديد راح نتكلم عن أهم أدوات المكياج اللي لازم تكون في شنطة مكياجك لما تخرجي وتكون معاكي دائماً خلونا نبدأ بسم الله،،

١- اول شي لازم يكون موجود معاكي اللي هوا البي بي كريم  و هذي صورته

 وتقدري تستغني عن البيسك أو البرايمر حق الميكب لأن البي بي كريم  يعطيكِ نفس النتيجة بطريقة أفضل 

٢- الكونسيلر اللي هوا خافي العيوب  بمعنى لو عندك هالات سوداء تحت عينك او أي شي يضياقك وحابه تخفيه ماراح يظهر مع الكونسيلر ويترك بشرتك متناسقة موحدة اللون

 طبعاً الكونسيلر زي الفاونديشن والبودرة فيها درجات الوان مختلفة لكل انواع البشرة 

٣- الخطوة الثالثة تحتاجي يكون معاكي بودرة في الشنطة لو حبيتي تزيدي بودرةلو كنتي برا او عندك كم مكان تروحيه و تبي تعدلي الميكب حلو تكون معاكيفكل وقت  البودرة راح تكون صديقتك الوفية 

٤- تحتاجي يكون معاكي علبة شادو -ظل العين-  يكون حجمها صغير تكون معاكي وتكون عندك الوان الشادو الاساسية البيج و البني البارد و الأسود 

٥- من أهم أدوات المكياج اللي كل وحدة لازم تعرف كيف تستخدمه بالطريقة الصحيحة وراح يكون شكلها أكثر جاذبية وملفت بحق وحقيق هوا الايلاينر الكحل السايل اللي ترسمي فيه عينك  نزلت موضوع من فترة عن كيف ترسمي عينك بالطريقة الصحيحة وهذا الرابط 

و كمان الايلاينر زي ماتعرفو أنواع كثيرة منها السايل والبودرة والقلم و الكريمي و انتي تستخدمي اللي يناسبك

٦- البلشر طبعاً مهم و راح يعطيكِ اللمسة الأخيرة لخدودك ويحدد بروز وجهك ولو حبيتي تستخدمي البروزنر بس راح يكون حلو واللي تفضليه استخدميه 

 هذا البلشر و لك حرية تستخدمي اللون اللي تحبيه و أفضل يكون لون واحد عشان يترك لك مساحة في شنطتك لأنها تكون معاكي فكل مكان

وهذا البرونزر لو تحبي تحددي عظمة وجهك ويعطيكِ تحديد لوجهك و يكون مطفي وناعم فنفس الوقت مميز

٧- الروج و المرطب أهم خطوتين نهائية للمكياج و تكون على حسب لون لبسك و مناسبة للميكب ونوع المناسبة او المكان اللي تروحيه 

هذي الأرواج و طبعاً تعكس شخصيتك والألوان اللي تحبي تستخدميها وتكون أفضل تستخدميها في المناسبات و الحفلات العامة والكبيرة و الزواجات

بالنسبة للمرطب او lipgloss يكون أخف من الروج و فيه لمعة بسيطة ويناسب أوقات الدوام و العمل أو حفلة بسيطة وتناسب الميكب الخفيف والناعم 

 

٨- الماسكرا عشان تعطيكِ حجم وكثافة لرموشك و أفضل تكون عادية مو ضد الموية-waterproof-خاصة في ايام الدوام والعمل أما المناسبات الكبيرة تقدري تستخدمي ماسكرا ضد الموية بين فترة وفترة لأنها تتعب الرموش

٩-لابد يكون معاكي بودرة الحواجب عشان لو تأخرتي او حبيتي تعملي المكياج برا البيت تكون معاكي دائماً 

١٠- وفي النهاية طبعاً على الأقل تكون عندك فرشتين ميكب وحدة توزعي فيها البودرة و الثانية عشان تقدري توزعي الظل على الجفن

وهنا رابط موضوع اتكلمت فيه عن أنواعفرش المكياج وكيف تستخدميها

http://mo-rra.blogspot.com/2013/11/makeup-brushes-types-uses.html

وهذا كان موضوعنا اليوم ولو حبيتو مواضيع نتكلم فيها عن الميكب والفاشن تقدرو تكتبو لي في خانة التعليقات تحت الموضوع 

من يجلبون ضوء الشمس في حياة الآخرين 

لا يستطيعون أن يمنعوه عن أنفسهم

وشكراً لوقتك

Stay Stunning

Love you